Նորություններ

Լրատվություն

Շիրակի մարզպետն ամենաբարձր գնահատականն է տալիս ԱԻ կառավարման համակարգին

22.01.2016

Անդրադառնալով օրերս ՀՀ ՏԿԱԻՆ Շիրակի մարզային ստորաբաժանումների 2015 թ. կատարված աշխատանքների հաշվետու ժողովի վերաբերյալ լրատվամիջոցներում տարածված հրապարակումներին` Շիրակի մարզպետ Ֆելիքս Ցոլակյանը նշել է.

- Ես չափազանց բարձր եմ գնահատում փրկարար ծառայության աշխատանքը, փրկարարների պրոֆեսիոնալիզմն ու նվիրվածությունը, մասնավորապես` ձնաբքի պայմաններում ծառայություն իրականացնող ու մարդկանց օգնության հասնող փրկարարների աշխատանքից: Իսկ հրդեհաշիջման վերաբերյալ իմ մտահոգությունն եմ հայտնել, որ կան խիտ բնակեցված վայրեր, որտեղ չափազանց բարդ է իրականացնել հրդեհաշիջման աշխատանքներ: Դրա հետ կապված խնդիրները պետք է մշտապես պահենք մեր ուշադրության կենտրոնում ու փորձենք լուծումներ գտնել:

Խոսելով հրդեհների մասին` մարզպետն անջուր դաշտերում հրդեհի մարումը համեմատել է առանց ջրի հրդեհաշիջման գնալու հետ:

Շիրակի մարզպետը գոհ է նաև անցած տարի ստեղծված մարզային ճգնաժամային կառավարման կենտրոնի արդյունավետ աշխատանքից: Նա ընդգծեց, որ իրենք պատրաստ են ամեն կերպ աջակցել կենտրոնին:

Իր խոսքում Շիրակի մարզպետ Ֆ. Ցոլակյանը բարձր գնահատեց Հիդրոմետ ծառայության աշխատանքը` նշելով, որ վերջին տարիներին եղանակի կախատեսումների ճշգրությունն անհամեմատ մեծացել է:

← Վերադառնալ ցուցակին

Թեժ գիծ

Հեղինե Ալեքսանյան` Աշխատակազմի քարտուղարության ընդհանուր բաժնի առաջատար մասնագետ: Հեռ (010)-51-13-62 ---------------------------------------------------- Մաքուր Հայաստան ծրագրի հարցերով կարող եք զանգահարել Հեռ (010)-51-13-98

Բաժանորդագրում նորություններին