Նորություններ

Լրատվություն

Նևերում ստորագրվել է Մտադրությունների հուշաթուղթ

12.11.2018

ՀՀ տարածքային կառավարման և զարգացման նախարարության միջազգային և անդրսահմանային համագործակցության բաժնի պետ Լիլիթ Սարոյանը և Վանաձորի քաղաքապետ Մամիկոն Ասլանյանը Ֆրանսիայի Նևեր քաղաքում մասնակցել են սույն թվականի նոյեմբերի 9-10-ը Ֆրանսիայի Հանրապետության նախագահ Էմանուել Մակրոնի բարձր հովանու ներքո առաջին անգամ անցկացվող «Միջին քաղաքների նորարարական զարգացման համաշխարհային գագաթնաժողովին» (SIIVIM)։ Գագաթնաժողովը միտված է նորարարական տեխնոլոգիաների միջոցով տարածքային զարգացման խթանմանը, միջազգային համագործակցության եզրեր գտնելուն և փորձի փոխանակմանը:

Նորարարական տեխնոլոգիաների շնորհիվ ժամանակակից զարգացած քաղաքները համարվում են առաջատար պետական կառավարման, տեղական ինքնակառավարման, քաղաքային և գյուղական սեփականության կառավարման ոլորտներում, ինչպես նաև բժշկական ծառայությունների, գործարարության, արդյունաբերության, տեղաշարժի հեշտացման և պետական կառավարման օնլայն տարբերակի անցման ասպարեզում: Տասնյակ startup մասնագետներ տարբեր կազմակերպություններից ու երկրներից, ինչպես նաև Իսրայելի հռչակավոր Տեխնոլոգիական ինստիտուտի (Technion) մասնագետները, գագաթնաժողովի ընթացքում ներկայացրել են քաղաքների զարգացման մեթոդները, գործիքները, զարգացման հիմնական ուղղությունները:
Նմանօրինակ նորագույն լուծումները նպատակ ունեն հեշտացնել պետական կառավարումը, ամրապնդել կառավարություն-քաղաքացի կապը՝ ամուր հիմք դառնալով թվային դեմոկրատիայի համար: Միևնույն ժամանակ գագաթնաժողովը նպատակ ունի ստեղծել ու շահագործել startup ծրագրեր՝ smart city-ներ հիմնադրելու համար:

Գագաթնաժողովի ավարտին Վանաձորի քաղաքապետը ստորագրել է Մտադրությունների հուշաթուղթ:

 

 

← Վերադառնալ ցուցակին

Թեժ գիծ

Հեղինե Ալեքսանյան` Աշխատակազմի քարտուղարության ընդհանուր բաժնի առաջատար մասնագետ: Հեռ (010)-51-13-62 ---------------------------------------------------- Մաքուր Հայաստան ծրագրի հարցերով կարող եք զանգահարել Հեռ (010)-51-13-89

Բաժանորդագրում նորություններին