Նորություններ

Լրատվություն

Աշոտ Գիլոյանը մասնակցել է «Ոչ մեկին հետ չթողնելով» խորագիրը կրող սեմինարին

31.10.2019

ՏԿԵՆ տեղական ինքնակառավարման քաղաքականության վարչության պետ Աշոտ Գիլոյանը հոկտեմբերի 30-ին մասնակցել է Աշխատանքի միջազգային կազմակերպության 100 ամյակին նվիրված «Ոչ մեկին հետ չթողնելով» խորագիրը կրող սեմինարին: Այն կազմակերպվել էր ԵԱՀԿ տնտեսական և բնապահպանական հարցերով գրասենյակի կողմից՝ ՀՀ-ԵԱՀԿ համագործակցության շրջանակներում:

Սեմինարի ընթացքում քաղաքականություն մշակողները, փորձագետները և սոցիալական ձեռներեցները համատեղ քննարկել են Հայաստանում սոցիալական ներուժը իրացնելու և քաղաքացիական հասարակության կազմակերպությունների ու այլ սոցիալական ձեռնարկությունների համար նպաստավոր միջավայր ստեղծելու ճանապարհները: ՏԻ քաղաքականության վարչության պետ Աշոտ Գիլոյանը խոսել է տեղական մակարդակում սոցիալական տնտեսության ներուժի և դրա իրացման հարցերի շուրջ:

«Ոչ մեկին հետ չթողնելով» սեմինարը ԵԱՀԿ տնտեսական և բնապահպանական գործառույթների համակարգողի գրասենյակի «Սյունիքի մարզի և Հայաստանի այլ մարզերի կանանց տնտեսական զորեղացումը» ծրագրի շրջանակներում իրականացվող միջոցառումներից մեկն է:
 

← Վերադառնալ ցուցակին

Թեժ գիծ

Հեռ. (010)51-13-79, (010)51-13-09, (011)52-65-73

Բաժանորդագրում նորություններին