ՀՀ ՏԿԵ նախարարի տեղակալ Արմեն Սիմոնյանը հանդիպել է China Southern Airlines ընկերություն ներկայացուցիչներին

ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը հանդիպել է China Southern Airlines ընկերություն ներկայացուցիչներին: Նախարարի տեղակալը ողջունել է հյուրերին և ընդգծել է երկու երկրների միջև առկա բարեկամական, առևտրային, տրանսպորտային և պատմական սերտ կապերի կարևորությունը: 

Արմեն Սիմոնյանը նշել է, որ երկու երկրների միջև զարգացած չէ ուղիղ օդային փոխադրումները և հույս հայտնել, որ հանդիպումը կծառայի այդ ուղղությունը զարգացնելուն: China Southern Airlines ընկերություն գլխավոր տնօրենի տեղակալը շնորհակալություն է հայտնել ընդունելության համար և շեշտել, որ որոշակի նախնական ուսումնասիրություններ կատարել են հայկական շուկայում և ընկերությունը պատրաստակամ է համագործակցելու հայկական կողմի հետ՝ զբոսաշրջային և տնտեսական այլ ուղղությունները զարգացնելու համատեքստում: 

Նախարարի տեղակալը հանգամանալից ներկայացրել է Հայաստանի օդանավակայնների ունեցած հնարավորությունները, առավելությունները՝ նշելով, որ նկատվում է ուղևորափոխադրումների թվի աճ և հայկական կողմը նույնպես շահագրգռված և պատրաստակամ է համագործակցել Չինաստանի հետ օդային հաղորդակցությունն ապահովելու համար: 

Հանդիպման ընթացքում քննարկվել են երկուստեք կարևորություն ունեցող այլ հարցեր ևս և պայմանավորվածություն է ձեռք բերվել հաջորդ հանդիպմանը չինական ընկերության կողմից ներկայացված առաջարկները քննարկելու: