ՀՀ ՏԿԵ նախարար Գնել Սանոսյանն ընդունել է ՀՀ-ում ԵՄ պատվիրակության ղեկավար, դեսպան Վասիլիս Մարագոսի գլխավորած պատվիրակությանը

ՀՀ տարածքային կառավարման և ենթակառուցվածքների նախարար Գնել Սանոսյանն ընդունել է Հայաստանում ԵՄ պատվիրակության ղեկավար, դեսպան Վասիլիս Մարագոսի գլխավորած պատվիրակությանը։ 

Նախարարը ողջունել է դեսպանին և հաջողություններ մաղթել հայաստանյան առաքելության ընթացքում։ Նախարարը կարևորել է տարբեր ուղղություններով Հայաստան-ԵՄ համագործակցությունը, այդ համագործակցության օրակարգի հետագա ընդլայնումն ու խորացումը։ 

Հանդիպման ընթացքում զրուցակիցներն անդրադարձ են կատարել Հայաստանի և Եվրոպական միության միջև բազմաշերտ հարաբերությունների օրակարգային մի շարք հարցերի։ 

Անդրադարձ է կատարվել համայնքների զարգացման, էներգետիկ, տրանսպորտային, ջրային, ավիացիոն և այլ ոլորտներում առկա համագործակցության վերաբերյալ հարցերի։ 

Նախարար Սանոսյանը շնորհակալություն է հայտնել ԵՄ դեսպանին Լեռնային Ղարաբաղից բռնի տեղահանվածների հարցում ցուցաբերած աջակցության համար։ 

Քննարկվել են ՀՀ-ԵՄ համագործակցությանը վերաբերող օրակարգային այլ հարցեր: