ՀՀ ՏԿԵ նախարարի օգնական Լիանա Հովհաննիսյանը մասնակցել է «Կապը համայնքի հետ.տեղահանված քաղաքացիների հզորացումը և տեղական ինքնակառավարումը» ծրագրի Լոռու ու Տավուշի մարզերի համայնքային համախմբողների վերապաստրաստման եռօրյա դասընթացին

ՀՀ ՏԿԵ նախարարի օգնական Լիանա Հովհաննիսյանը մասնակցել է «ՄԵՆՔ» Լոռու մարզի երիտասարդական հասարակական կազմակերպության ՄԱԿ-ի Զարգացման ծրագրի (ՄԱԶԾ) «Դիմակայունություն բոլորի համար» դրամաշնորհի շրջանակումներում մեկնարկած «Կապը համայնքի հետ.տեղահանված քաղաքացիների հզորացումը և տեղական ինքնակառավարումը» ծրագրի Լոռու ու Տավուշի մարզերի համայնքային համախմբողների վերապաստրաստման եռօրյա դասընթացին՝ խոսնակի կարգավիճակում։

 Լիանա Հովհաննիսյանը մասնակիցների հետ զրուցել է համայնքային մասնակցության մեթոդների մասին, ընդգծել խոցելի խմբերին ներգրավվելու կարևորությունը։ «ՏԻՄ-երն ինքնուրույն որոշումներ կայացնելու հնարավորություն ունեն և մեծ հաշվով հաշվետու են միայն իրրենց ընտրողների՝ համայնքի բնակիչների առջև։ Եվ այն գոյություն ունի այնքան ժամանակ քանի դեռ ապահովում է բնակիչների մասնակցությունը կառավարման գործընթացում։ Եվ բնակիչները, ուղղակի կամ անուղղակի կարող են ազդել ՏԻՄ-ի որոշումների վրա, որը պետք է կատարվի առանց որևէ խտրականության»,-մասնավորապես նշել է նախարարի օգնականը‎: 

Ծրագրի նպատակն է վերապատրաստել փորձառու երիտասարդ աշխատողներին, ակտիվ ուսանողներին, ուսուցիչներին, համայնքի ավագանու անդամներին և տեղական ինքնակառավարման մարմինների աշխատակազմի այլ անդամների՝ որպես համայնքային համախմբողներ, ովքեր, վերադառնալով իրենց համայնքներ, կարող են աջակցել և առաջնորդել ԼՂ-ից տեղահանված քաղաքացիներին տեղական ժողովրդավարության, շահերի պաշտպանության և բովանդակալից մասնակցության մեջ։ 

Սույն նախաձեռնությունն իրականացվում է «ՄԵՆՔ» Լոռու մարզի երիտասարդական հասարակական կազմակերպության կողմից ՄԱԿ-ի Զարգացման ծրագրի (ՄԱԶԾ) «Դիմակայունություն բոլորի համար» ծրագրի շրջանակում, որը ֆինանսավորվում է Նորվեգիայի Արտաքին գործերի նախարարության կողմից և իրականացվում՝ ՀՀ տարածքային կառավարման և ենթակառուցվածքների նախարարության հետ համագործակցությամբ։