ՀՀ ՏԿԵ նախարար Դավիթ Խուդաթյանն աշխատանքային այցով Լոռու մարզում էր

ՀՀ ՏԿԵ նախարար Դավիթ Խուդաթյանն աշխատանքային այցով Լոռու մարզում էր։ 

Նախարարը խորհրդակցություն է անցկացրել Լոռու մարզպետարանում՝ մարզպետ Արամ Ղազարյանի, «Ճանապարհային դեպարտամենտ» հիմնադրամի նորանշանակ տնօրեն Արկադի Չերչինյանի, մարզի համայնքների ղեկավարների և այլ պատասխանատու պաշտոնյաների մասնակցությամբ։ 

Խորհրդակցության նպատակը ներկայումս պետբյուջեի միջոցներով և սուբվենցիոն ծրագրերով համայնքներում իրականացվող աշխատանքների, առաջիկա հրատապ անելիքների և համայնքներում առկա խնդիրների քննարկումն էր, առաջիկա աշխատանքների պլանավորումը։ 

Մարզի համայնքների ղեկավարները ներկայացրել են բնակավայրերում իրականացվող ծրագրերը, անդրադարձել համայնքային հրատապ մի շարք խնդիրների։ 

Քննարկվել է նաև նախորդ տարի Լոռու մարզի՝ ջրհեղեղի հետևանքով տուժած բնակավայրերում իրականացված և առաջիկայում նախատեսվող աշխատանքների հետ կապված մի շարք հարցեր: 

Ներկայացվել են նաև մարզի համայնքների սեփական եկամուտների հավաքագրման ցուցանիշները: