ՀՀ ՏԿԵ նախարարության նախաձեռնությամբ կազմակերպվել են համայնքային ծառայողների, համայնքների ղեկավարների և ավագանու անդամների, ինչպես նաև մարզպետների աշխատակազմերի աշխատակիցների վերապատրաստման դասընթացներ

Տարածքային կառավարման և տեղական ինքնակառավարման մարմինների, ինչպես նաև համայնքային ծառայողների գործունեության արդյունավետությունը բարձրացնելու նպատակով ՀՀ տարածքային կառավարման և ենթակառուցվածքների նախարարությունը 2023 թվականին նախաձեռնել է թվով 700 համայնքային ծառայողների, 300 համայնքների ղեկավարների և ավագանու անդամների, ինչպես նաև մարզպետների աշխատակազմերի 50 աշխատակիցների վերապատրաստման գործընթաց։ 

2023 թվականի մայիս ամսից մեկնարկած համայնքային ծառայողների վերապատրաստման շրջանակներում արդեն իսկ վերապատրաստվել են թվով 477-ը։ Սույն թվականի նոյեմբեր-դեկտեմբեր ամիսներին նախատեսվում է իրականացնել ևս 220 համայնքային ծառայողների վերապատրաստումներ՝ ՀՀ Արագածոտնի, Արմավիրի, Արարատի, Կոտայքի և Շիրակի մարզերում։ 

Տեղական ինքնակառավարման մարմինների վերապատրաստման շրջանակներում նախատեսված թվով 300 համայնքների ղեկավարներից և ավագանու անդամներից վերապատրաստվել են թվով 226-ը։ 

Նոյեմբեր ամսին նախատեսվում է ՀՀ Լոռու մարզում իրականացնել ևս 25 տեղական ինքնակառավարման մարմինների ներկայացուցիչների վերապատրաստում։ 

Նշված վերապատրաստումներն իրականացվում են «Մաստեր Սթայլ» ՍՊԸ-ի կողմից։ Սույն թվականի սեպտեմբերի 27-ին մեկնարկել է տարածքային կառավարման մարմինների վերապատրաստման շրջանակներում նախատեսված մարզպետների աշխատակազմերի թվով 50 աշխատակիցների 1-ին խմբի հեռավար վերապատրաստման գործընթացը, որն իրականացվում է «ԳԵՎՈՐԳԻԱՆ ԿՈՆՑԵՌՆ»ՍՊԸ-ի կողմից։