ՀՀ ՏԿԵ նախարարի տեղակալ Վաչե Տերտերյանը հանդիպել է ՍԱԼԱՐ Ինթերնեյշնալ ծրագրերի զարգացման հարցերով ղեկավար Էրիկ Ֆաքսգորդին

ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը և ՀՀ ՏԿԵ նախրարության տեղական ինքանկառավարման վարչության պետ Աշոտ Գիլոյանը հանդիպել են ՍԱԼԱՐ Ինթերնեյշնալ ծրագրերի զարգացման հարցերով ղեկավար Էրիկ Ֆաքսգորդին, Շվեդիայում «Աջակցություն Հայաստանում ապակենտրոնացման և տեղական ինքնակառավարման բարեփոխումներին» ծրագրի ղեկավար Հալինա Լինդի և «Աջակցություն Հայաստանում ապակենտրոնացման և տեղական ինքնակառավարման բարեփոխումներին» ծրագրի ավագ ղեկավար Հայաստանում Վարսենիկ Մնացականյանին: 

Նախարարի տեղակալը ողջունել է հյուրերին և կարևորել է լիազորությունների ապակենտրոնացման բարեփոխումներին ուղղված աջակցությունը՝ նշելով, որ այս ծրագրային ուղղությունը կարևոր է հատկապես ՀՀ կառավարության որդեգրած քաղաքականության տեսանկյունից: 

Վաչե Տերտերյանը խոսել է նաև տեղական ինքնակառավարման բարեփոխումներին ինստիտուցիոնալ աջակցության, ՀՀ միջհամայնքային համագործակցության զարգացման խթանման, նոր ձևավորված բազմաբնակավայր համայնքների տեղական ինքնակառավարման մարմինների կարողությունների զարգացման մասին: 

Տերտերյանը շեշտել է` կարևոր է ընտրված տեղական իշխանությունների կարողությունների զարգացմանը միտված միջոցառումների իրականացումը, տեղական ինքնակառավարման մարմինների մասնագիտական գիտելիքների և հմտությունների ձևավորումը : Խոսելով միջհամայնքային համագործակցության զարգացման խթանման մասին՝ նախարարի տեղակալը շեշտել է, որ ծրագրային այս ուղղությունը կարևոր է հատկապես համայնքների միավորման գործընթացի արդյունքների համատեքստում: Ինստիտուցիոնալ աջակցություն վերաբերյալ նշվել է, որ այն կարիք է, որը մշտապես շարունակական բնույթ է կրում, հաշվի առնելով ոլորտում իրականացված լայնածավալ բարեփոխումները: Հանդիպման ընթացքում քննարկվել են կարևորություն ունեցող այլ հարցեր: