ՀՀ ՏԿԵ նախարար Դավիթ Խուդաթյանն այցելել է Վայոց ձորի մարզ

ՀՀ ՏԿԵ նախարար Դավիթ Խուդաթյանն Էկոնոմիկայի նախարար Գևորգ Պապոյանի, ԱԺ պատգամավոր Արեն Մկրտչյանի, Վայոց ձորի մարզպետ Կոլյա Միքայելյանի հետ այցելել են Վայոց ձորի մարզ։ 

Տեղում դիտարկվել է Մ2, Ելփին-Չիվա 6.4 կմ երկարությամբ ճանապարհահատվածի հիմնանորոգման աշխատանքները, որի արժեքը մոտ 1.2 մլրդ դրամ է։ 

Այս պահին աշխատանքներն ակտիվ ընթացքի մեջ են, իրականացվում է ասֆալտապատում։ Ավարտը նախատեսված է այս տարվա աշնանը: Արենի համայնքի ղեկավար Հուսիկ Սահակյանի հետ Ելփին բնակավայրում դիտարկվել է նաև սուբվենցիոն ծրագրով կառուցվող մանկապարտեզի շինարարական աշխատանքների ընթացքը։ Մանկապարտեզը նախատեսված է 56 երեխայի համար, ծրագրի արժեքը մոտ 330 մլն դրամ է: 

Աշխատանքներն ավարտական փուլում են։ Վայք համայնքի ղեկավար Մխիթար Մաթևոսյանի հետ այց է կատարվել նաև Վայք համայնքի Զառիթափ, Մարտիրոս, Սերս և Բարձրունի բնակավայրեր, որտեղ սուբվենցիոն ծրագրով իրականացվում են ճանապարհաշինարարական աշխատանքներ, Մարտիրոս բնակավայրում պետական բյուջեի ֆինանսավորմամբ կառուցվում է կրթահամալիր: Շինարարական բոլոր օբյեկտներում նախարարը կարևորել է աշխատանքները որակով և օրացուցային գրաֆիկին համապատասխան իրականացումը` աշխատանքների ընդունման և վճարման հետ կապված խնդիրներից խուսափելու համար: 

Ճանապարհաշինարարական ոլորտի ղեկավար կազմին հանձնարարվել է կազմակերպել պետական լաբորատորիայով նմուշառումների իրականացումը, կատարողականների վճարումն իրականացնել բացառապես լաբորատոր դրական եզրակացության առկայության պայմաններում: