Վերապատրաստումը՝ համայնքային կառավարման բարելավման միջոց

Շարունակվում են ՀՀ տարածքային կառավարման նախարարության և ՀՀ պետական կառավարման ակադեմիայի կողմից կազմակերպվող՝ համայնքային ծառայողների և տեղական ինքնակառավարման մարմինների վերապատրաստման դասընթացները։ Սույն թվականի հուլիսի 30-ին ավարտվել են ՀՀ Գեղարքունիքի մարզի Սևան և Ճամբարակ համայնքներում հուլիսի 21-ից մեկնարկած տեղական ինքնակառավարման մարմինների վերապատրաստման դասընթացները։ 

Ծրագրով նախատեսված դասընթացները ներառում էին գործնական ու տեսական գիտելիքներ՝ միտված համայնքային կառավարման արդյունավետության բարձրացմանը։ Դասընթացներին ներկա են գտնվել նաև ՀՀ տարածքային կառավարման և ենթակառուցվածքների նախարարության տարածքային կառավարման վարչության պետ Աննա Իվանյանը և Տեղական ինքնակառավարման քաղաքականության վարչության պետ Աշոտ Գիլոյանը։ 

Ծավալվել է արդյունավետ քննարկում և վերջիններիս կողմից բարձրացված հարցերին տրվել են սպառիչ պատասխաններ։ 

Դասընթացի ավարտին տեղի է ունեցել մասնակիցների վկայականների հանձնման արարողությունը։ 

2025 թվականի հուլիսի 30-ի դրությամբ ՀՀ պետական կառավարման ակադեմիայի կողմից անցկացված՝ ՀՀ մարզերի համայնքների աշխատակազմերի համայնքային ծառայողների վերապատրաստման դասընթացներին ընդհանուր առմամբ մասնակցել է 493 համայնքային ծառայող։ Ծրագիրը կշարունակվի մինչև տարեվերջ։