logo

ՀՀ ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ ՆԱԽԱՐԱՐՈՒԹՅՈՒՆ

logo
    • Հայ
    • Eng
    • Рус

    Վարչապետ Նիկոլ Փաշինյանն այցելել է ՀՀ Քաղաքացիական ավիացիայի կոմիտե և ծանոթացել կառույցի 2022 թվականի գործունեության հաշվետվությանը

    Վարչապետ Նիկոլ Փաշինյանն այսօր այցելել է Հայաստանի Հանրապետության Քաղաքացիական ավիացիայի կոմիտե, որտեղ ծանոթացել է կառույցի 2022 թվականի գործունեության հաշվետվությանը: 

    Խորհրդակցությանը մասնակցել են փոխվարչապետեր Մհեր Գրիգորյանը և Տիգրան Խաչատրյանը, Տարածքային կառավարման և ենթակառուցվածքների նախարար Գնել Սանոսյանը, Պետական վերահսկողության ծառայության ղեկավար Ռոմանոս Պետրոսյանը, Վարչապետի աշխատակազմի ղեկավարի տեղակալ Բագրատ Բադալյանը, Ֆինանսների նախարարի տեղակալ Վահան Սիրունյանը, Քաղաքացիական ավիացիայի կոմիտեի նախագահ Միհրան Խաչատրյանը, կոմիտեի ղեկավար կազմը, պաշտոնատար այլ անձինք: 

    Վարչապետին զեկուցվել է ոլորտում իրականացվող աշխատանքների, կառուցվածքային և համակարգային խնդիրների ու մարտահրավերների, ինչպես նաև ոլորտի զարգացման հեռանկարների մասին: Քննարկվել են Քաղաքացիական ավիացիայի կոմիտեի հիմնական գործառույթների՝ կանոնակարգման, վկայագրման և վերահսկման ուղղությամբ իրականացվող աշխատանքներին վերաբերող հարցեր: Օդային տրանսպորտի բնագավառի կանոնակարգման ու վերահսկողության կապակցությամբ զեկուցվել է, որ ՀՀ միջազգային պայմանագրերին և միջազգային կազմակերպությունների կողմից հրապարակված միջազգային ստանդարտներին, առաջարկվող գործելաձևերին և ընթացակարգերին ՀՀ օրենսդրության համապատասխանությունն ապահովելու նպատակով ընդունվել են իրավական ակտեր: Թռիչքային և ավիացիոն անվտանգության, օդային փոխադրումների բնագավառում իրականացվող աշխատանքների ու մատուցվող ծառայությունների որակի շարունակական ապահովման նպատակով իրականացնվել է պետական վերահսկողություն՝ ստուգումների և ուսումնասիրությունների միջոցով: 

    Մանրամասներ են ներկայացվել «Զվարթնոց» և «Շիրակ» միջազգային օդանավակայանների, «Էրեբունի» և «Սյունիք» օդանավակայանների, ինչպես նաև ՀՀ օդանավ շահագործող ընկերությունների վերաբերյալ: Ըստ զեկույցի, 2022թ․ դեկտեմբերի 31-ի դրությամբ Հայաստանի Հանրապետությունում գործում են օդանավ շահագործողի վկայական կրող 9 ավիաընկերություններ, որոնցից 5-ը՝ կանոնավոր առևտրային օդային փոխադրումների իրականացման հավաստագիր կրողներ: 2021 թվականին ավիաընկերությունների թիվը եղել է 7, իսկ 2023-ին կանխատեսվում է, որ կլինի 11: 2021թ. ՀՀ շուկա մուտք գործած օտարերկրյա ավիաընկերությունների թիվը կազմել է 4, իսկ 2022թ.՝ 9: 

    Հայաստանի Հանրապետություն և Հայաստանի Հանրապետությունից չվերթներ են իրականացնում 35 ավիաընկերություններ՝ 45 ուղղություններով: Հայաստանի Հանրապետությունից կանոնավոր թռիչքներ իրականացվում են շուրջ 23 պետություն՝ 45 քաղաք: ՀՀ օդանավակայանների ուղևորափոխադրումները («Զվարթնոց», «Շիրակ» օդանավակայաններ) 2021թ. եղել է 2 մլն 400 հազար 351, իսկ 2022-ին՝ 3 մլն 698 հազար 256. աճը կազմել 54 տոկոս: Տեղական ավիաընկերություններով ուղևորափոխադրումները («Զվարթնոց», «Շիրակ» օդանավակայաններ) 2021թ. եղել է 269,087, իսկ 2022-ին՝ 916, 257, այսինքն՝ ընդհանուր ուղևորափոխադրումների 25 տոկոսն իրականացվել է հայկական ավիաընկերությունների կողմից: ՀՀ օդանավակայանների բեռնափոխադրումները («Զվարթնոց» օդանավակայան) 2021թ. եղել է 17,321, իսկ 2022-ին՝ 23,341: 

    Նախորդ տարվա ընթացքում ավիացիայի ոլորտը համալրվել է շուրջ 500 նոր աշխատակցով: Հաջորդիվ անդրադարձ է կատարվել ոլորտում նախատեսվող կառուցվածքային և համակարգային բարեփոխումներին: Մասնավորապես, նշվել է, որ իրականացվելիք կառուցվածքային փոփոխությունների արդյունքում ակնկալվում է ոլորտում ապահովել միջազգային չափանիշներին համապատասխանող վերահսկողություն բարձրացնել, միջազգային գործընկերների հետ համագործակցության արդյունքում ներգրավել որակավորված մասնագետներ: Զեկուցվել է, որ շարունակվում են հետևողական աշխատանքները Եվրոպական միության թռիչքային անվտանգության «սև ցուցակ»-ի դուրս գալու ուղղությամբ: Այդ նպատակով նախատեսվում է իրականացնել հայկական ավիաընկերությունների վերասերտիֆիկացում, մասնագետների վերապատրաստում և մի շարք այլ գործողություններ: 

    Ինչ վերաբերում է Քաղաքացիական ավիացիայի զարգացման հեռանկարներին, ընդգծվել են մի շարք ուղղություններով տարվող աշխատանքները, մասնավորապես՝ վերահսկողության արդյունավետության բարձրացման նպատակով նոր՝ էլեկտրոնային համակարգի ներդրման (Q-Pulse), ավիացիոն առարկաների դասավանդողների և հրահանգիչների պատրաստման ուղղությամբ ծրագրերը: 

    Քայլեր են իրականացվելու գործող ավիաուսումնական կենտրոնների զարգացման և ժամանակակից ու միջազգային ստանդարտներին համապատասխան նոր ավիացիոն ուսումնական կենտրոնների ստեղծման, ընդհանուր ավիացիայի և փոքր ավիացիայի զարգացման, ներքին ուղևորափոխադրումների և բեռնափոխադրումների զարգացման և ներքին օդանավակայանների (Ստեփանավան, Գորիս) շահագործման վերականգնման, ինչպես նաև միջազգային բեռնափոխադրումների զարգացմանն աջակցությունը: 

    Անդրադարձ է կատարվել նաև Կապանի օդանավակայանի գործունեության հնարավորություններին ու այդ ուղղությամբ իրականացվելիք աշխատանքներին: Վարչապետ Փաշինյանն ընդգծել է ավիացիայի ոլորտի զարգացման կարևորությունը և ընդգծել վերը նշված բոլոր ուղղություններով աշխատանքների արդյունավետ ու հետևողական իրականացման անհրաժեշտությունը: Այս առումով, տրվել են մի շարք հանձնարարականներ:

    Լրահոս

    img
    2024-09-19
    ՀՀ ՏԿԵ նախարար Գնել Սանոսյանն ընդունել է ՀՀ-ում Ղազախստանի Հանրապետության արտակարգ և լիազոր դեսպան Բոլատ Իմանբաևին
    img
    2024-09-18
    ՀՀ ՏԿԵ նախարարի տեղակալ Հակոբ Վարդանյանը Վիեննայում հանդիպել է ԱԷՄԳ գլխավոր տնօրեն Ռաֆայել Մարիանո Գրոսսի հետ
    img
    2024-09-18
    «Մոդել Հայաստան» կրթական ծրագրի 50-ից ավելի մասնակից հնարավորություն է ստացել այցելել ՀՀ ՏԿԵ նախարարություն
    img
    2024-09-16
    ՀՀ ՏԿԵ նախարար Գնել Սանոսյանը վարչապետ Նիկոլ Փաշինյանի հետ մեկնել է Վրաստանի Հանրապետություն
    img
    2024-09-13
    ՀՀ ՏԿԵ նախարար Գնել Սանոսյանն ընդունել է Ֆրանսիայի Սենատի Ֆրանսիա - Հայաստան բարեկամական խմբի նախագահ Ժիլբեր-Լյուկ Դըվինազին
    img
    2024-09-12
    ՀՀ ՏԿԵ նախարար Գնել Սանոսյանն ընդունել է ՄԱԿ-ի Եվրոպական տնտեսական հանձնաժողովի գործադիր քարտուղարի տեղակալ Դմիտրի Մարիյասինին
    img
    2024-09-11
    ՀՀ ՏԿԵ նախարար Գնել Սանոսյանն ընդունել է «Քոնթուր Գլոբալ» ընկերությունների խմբի Եվրոպայի և Աֆրիկայի տարածաշրջանի գլխավոր գործադիր տնօրեն Կարլո Զորզոլիին
    img
    2024-09-11
    ՀՀ ՏԿԵ նախարար Գնել Սանոսյանն ընդունել է Հայաստանում ՌԴ դեսպան Սերգեյ Կոպիրկինին
    img
    2024-09-10
    ՀՀ ՏԿԵ նախարար Գնել Սանոսյանն ընդունել է Հունգարիայի ԱԳ նախարար Պետեր Սիյարտոյի գլխավորած պատվիրակությանը
    img
    2024-09-09
    Ալավերդիում կայացել է Սանահինի ժամանակավոր կամրջի բացման արարողությունը
    img
    2024-09-09
    ՀՀ ՏԿԵ նախարար Գնել Սանոսյանը Լոռու մարզում դիտարկել է մի շարք ճանապարհահատվածների կառուցման ընթացքը
    img
    2024-09-09
    ՀՀ ՏԿԵ նախարար Գնել Սանոսյանը Տավուշի և Լոռու մարզեր կատարած աշխատանքային այցի շրջանակներում դիտարկել է մի շարք ճանապարհահատվածների կառուցման ընթացքը
    img
    2024-09-09
    Տեղի է ունեցել «Մասնակցային բյուջետավորումը տեղական մակարդակում» խորագրով համաժողովը
    img
    2024-09-05
    ՀՀ ՏԿԵ նախարարի տեղակալ Վաչե Տերտերյանը ՀԲ ներկայացուցիչների հետ քննարկել է WISE ծրագրի մանրամասները
    img
    2024-09-03
    Արմեն Զոհրաբյանն ընտրվել է «Ճանապարհային դեպարտամենտ» հիմնադրամի տնօրեն
    img
    2024-09-03
    Հայաստանի և Չինաստանի միջև առաջին անգամ ուղիղ չվերթ է գործարկվել
    img
    2024-08-29
    ՀՀ ՏԿԵ նախարար Գնել Սանոսյանն ընդունել է ՀՀ-ում ԵՄ պատվիրակության հաղորդակցության բաժնի ղեկավար Ֆրանկ Հեսսին
    img
    2024-08-28
    ՀՀ ՏԿԵ նախարար Գնել Սանոսյանը ներկա է գտնվել ՃՇՀԱՀ-ի շրջանավարտների դիպլոմների հանձնման հանդիսավոր արարողությանը
    img
    2024-08-27
    ՀՀ ՏԿԵ նախարարի տեղակալ Արմեն Սիմոնյանն ընդունել է «Ռուսական երկաթուղիներ» ԲԲԸ գլխավոր տնօրենի տեղակալ Վյաչեսլավ Պավլովսկու գլխավորած պատվիրակությանը
    img
    2024-08-23
    ՀՀ ՏԿԵ նախարար Գնել Սանոսյանն այցելել է ՀՀ քաղաքացիական ավիացիայի կոմիտե
    img
    2024-08-22
    ՀՀ ՏԿԵ ՆԱԽԱՐԱՐ ԳՆԵԼ ՍԱՆՈՍՅԱՆԸ ԳԼԽԱՎՈՐԵԼ Է ՄԱՐԶՊԵՏՆԵՐԻ ՄԱՍՆԱԿՑՈՒԹՅԱՄԲ ՀԵՐԹԱԿԱՆ ԽՈՐՀՐԴԱԿՑՈՒԹՅՈՒՆԸ
    img
    2024-08-20
    Պոլիտեխնիկական համալսարանում տեղի է ունեցել Ազգային մակարդակով սահմանված գործողությունների զարգացմանն ուղղված IAEA տարածաշրջանային հանդիպումը
    img
    2024-08-19
    Ախուրյան համայնքում բացվեց համայնքային զարգացման կենտրոն
    img
    2024-08-07
    ՀՀ ՏԿԵ նախարարի տեղակալ Արմեն Սիմոնյանն ընդունել է ՀՀ-ում ՉԺՀ դեսպանության պատվիրակությանը
    img
    2024-08-05
    ՀՀ ՏԿԵ նախարարի տեղակալ Արմեն Սիմոնյանը շնորհակալագրեր է հանձնել «Հարավկովկասյան երկաթուղի» ՓԲԸ մի շարք աշխատակիցների
    img
    2024-08-02
    ՀՀ ՏԿԵ փոխնախարար Արմեն Սիմոնյանը Երկաթուղայինի օրվա նախաշեմին շնորհակալագրեր է հանձնել «Հարավկովկասյան երկաթուղի» ՓԲԸ աշխատակիցներին
    img
    2024-07-30
    ՀՀ ՏԿԵ նախարարի օգնական Լիանա Հովհաննիսյանը մասնակցել է «Կապը համայնքի հետ.տեղահանված քաղաքացիների հզորացումը և տեղական ինքնակառավարումը» ծրագրի Լոռու ու Տավուշի մարզերի համայնքային համախմբողների վերապաստրաստման եռօրյա դասընթացին
    img
    2024-07-30
    ԱԲՈՎՅԱՆ ՀԱՄԱՅՆՔՈՒՄ ՏԵՂԻ Է ՈՒՆԵՑԵԼ ՈՒՍՈՒՑՈՂԱԿԱՆ ԽԱՂԱՀՐԱՊԱՐԱԿԻ ՀԱՆԴԻՍԱՎՈՐ ԲԱՑՄԱՆ ԱՐԱՐՈՂՈՒԹՅՈՒՆԸ
    img
    2024-07-30
    ՀՀ ՏԿԵ նախարար Գնել Սանոսյանն անցկացրել է հերթական գործակարգավարական խորհրդակցությունը
    img
    2024-07-24
    ՀՀ ՏԿԵ նախարար Գնել Սանոսյանը դիտարկել է Կիրանցի նոր կառուցվող ճանապարհի աշխատանքների ընթացքը

    Տեսնել բոլորը