ՏԿԵ նախարարի տեղակալ Ասատուր Վարդանյանը մասնակցել է «Լեռների որդի» խորագրով հանդիսավոր միջոցառմանը

ՏԿԵ նախարարի տեղակալ Ասատուր Վարդանյանն այսօր մասնակցել է Երկրաբանի օրվան ընդառաջ Երկրաբանների միության կողմից կազմակերպված «Լեռների որդի» խորագրով հանդիսավոր միջոցառմանը։ 

Միջոցառմանը մասնակցում էին նաև օրենսդիր և գործադիր մարմինների, գիտական հանրության, ընդերքօգտագործող կազմակերպությունների, միջազգային կառույցների ներկայացուցիչներ։ 

Միջոցառման ընթացքում ընդգծվեց երկրաբանի մասնագիտության կարևորությունն ու պատասխանատվությունը, ինչպես նաև պետական, մասնավոր և գիտական հատվածների միջև ձևավորված համագործակցության դերը՝ որպես ոլորտի գրավչության բարձրացման և երիտասարդ կադրերի ներգրավման կարևոր խթան։ 

Միաժամանակ, միջոցառումը հարթակ հանդիսացավ ոլորտի վաստակաշատ ներկայացուցիչների մեծարման համար։ 

ՏԿԵ նախարարի տեղակալ Ասատուր Վարդանյանը շնորհավորեց երկրաբաններին առաջիկա տոնի կապակցությամբ և, Երկրաբանի օրվա առթիվ, երկարատև, բարեխիղճ և նվիրված աշխատանքի համար Հայաստանի Հանրապետության տարածքային կառավարման և ենթակառուցվածքների նախարարի շնորհակալագրով պարգևատրեց Գևորգ Թորոսյանին, Սերգեյ Նազարեթյանին, Ռոբերտ Թամազյանին և Լիպարիտ Մարկոսյանին։